Firma e cila operonte fluturimin e helikopterit, ku humbi jetën CEO i Siemens së bashku me familjen e tij dhe piloti ka mbyllur menjëherë operacionet e saj.
Administrata Federale e Aviacionit ka bërë të ditur për mediat e huaja se do të nisë një rishikim të menjëhershëm të licencës dhe të të dhënave të sigurisë së New York Helicopter Tours.
Hetimet për kompaninë do të ndiqen edhe nga Bordi Kombëtar i Sigurisë së Transportit. Senatori amerikan i New York, u kërkoi autoriteteve federale të revokojnë certifikatën e funksionimit të kompanisë pas rrëzimit të helikopterit. Së bashku me ndalimin e fluturimeve me helikopterë, Schumer kërkoi që Administrata Federale e Aviacionit rrisë inspektimetm të sigurojë që kompanitë dhe helikopterët janë në përputhje me rregullat e sigurisë.
Kujtjmë se nga aksidenti tragjik ajror mbetën te vdekur Agustín Escobar, një ekzekutiv i Siemens, tre fëmijët e tij dhe gruaja e tij. Shëtitja turistike për këtë familje u kthye në një tragjedi, pasi të gjithë pjesëtarët e familjes u shuan në aksident.
