Ditën e sotme nisi zyrtarisht fushata elektorale për zgjedhjet parlamentare të 11 Majit, teksa “Lëvizja Bashkë” e drejtuar nga Arlind Qori, ndryshe nga partitë e tjera, nuk ka bërë një miting, por ka vijuar takimet në terren me qytetarët.
Aktivistët e këtij subjekti politik ka qenë sot në Dajt, Selitë dhe Mullet të Tiranës, teksa thonë se në biseda të hapura me banorët, kanë dëgjuar shqetësimet për papunësinë, betonizimin dhe mungesën e investimeve publike, teksa kanë prezantuar edhe programin
Sipas Lëvizjes Bashkë, politika nuk duhet të jetë privilegj i të pasurve, por zgjidhje për shumicën.
“Aktivistët e Lëvizjes BASHKË kanë vijuar takimet me qytetarët në Dajt, Selitë dhe Mullet, tre zona të Tiranës që përballen me probleme serioze si mungesa e transportit publik, ndriçimit dhe shërbimeve bazë. Në biseda të hapura me banorët, ata kanë dëgjuar shqetësimet për papunësinë, betonizimin dhe mungesën e investimeve publike, ndërsa kanë prezantuar programin e Lëvizjes që synon të sjellë drejtësi sociale, transparencë dhe një zhvillim të drejtë për të gjithë. Politika nuk duhet të jetë privilegj i të pasurve, por zgjidhje për shumicën.” – shkruhet në postimin ku janë shpërndarë fotot në rrjet.
