Edi Rama ka qenë sot në Durrës, ku ka mbajtur një takim në kuadër të fushatës elektorale dhe ka kërkuar votën për zgjedhjet parlamentare të 11 Majit.
Duket se shpopullimi i vendit nuk ka asnjë problem për Ramën, madje duket se ky është qëllimi i tij. Në vend që të premtojë përmirësim të shërbimeve, arsimit, shëndetësisë, rrogave, Rama u premton të rinjve leje qëndrimi në vendet e Bashkimit Europian.
Duke iu kërkuar votën të rinjëve, Rama tha sot nga Durrësi se ata nuk do të ikin më si azilantë në vendet e BE-së, por do të kenë të drejtë qëndrimi. Gjithsesi, edhe ky duket një mashtrim i pastër, nisur nga shumë faktor, por kryesorja është se futja e Shqipërisë në BE nuk varet nga qeveria shqiptare, por nga vetë vendet e Unionit.
“Nga ana tjetër, BE nuk është thjesht një çështje lirish e drejtsh të garantuara, është e një çështje dinjiteti të barabratë. Jo vetëm në historinë tonë, apo në raport me vetveten , por në raport me gjithë të tjerët. Ju fitoni statusin e të qenit qytetar i BE. Nuk është e njëjta gjë si të jesh udhëtar apo student në BE. Sot çdo student shqiptar që shkon në BE është student i huaj, por nuk ka të njëjtat privilegje. Me futjen në BE dhe duke u bërë posedues të pasaportës së BE, të gjithë studentët shqiptarë do të jenë studentë të BE-së. Do jenë të barabartë para ligjit, por edhe njësoj si çdo student që do jetë atje. Dhe patjetër kjo është ajo pjesë që lidhet me moshën studentore. Pastaj historia vazhdon. Ne sot kemi të drejtë të shkojmë ku të duam, po nuk qëndrojmë ku të duam. Kemi të drejtën për të lëvizur, por jo për të qëndruar. Ne shkojmë dhe kërkojmë azil sot sepse nuk jemi të pranuar në tregun e punës. Shqiptarët që kanë shkuar dhe shkojnë në Europë duan një punë të paguar më mirë. Italianët e jugut ikin çdo vit në Gjermani apo në vende të tjera. Ata nuk quhen njerëz që po ikin, por ata janë ca njerëz që po shkojnë në një treg të përbashkët pune.” – tha Rama.
