Në pritje të kualifikimit në Ligën e Kampionëve në fushë, Juventus ka filluar tashmë lëvizjet në tregun e transferimeve për verën.
Objektivi i Giuntoli-t është të sjellë në Torino të paktën tre lojtarë të nivelit të lartë, një për çdo repart.
Një mbrojtës do të blihet me siguri, po ashtu dhe një sulmues, pasi historia me Vlahovic-in duket se do të ndërpritet (të shitet për një shumë të pranueshme, pa rinovim, do të jetë një detyrë e vështirë).
Emri i ‘milanistit’, i cili kthehet periodikisht në modë, pëlqehet shumë: do të ishte simboli perfekt i Juventusit të ri.
Pra, i ri, me talent dhe, mbi të gjitha, italian. Për më pak se 60-70 milionë euro, do të jetë një mision i vështirë ta shkëpusësh nga ‘Magpies’.
24-vjeçari është në shënjestër edhe të klubeve të tjera europiane. Çmimi është i frikshëm, por duhet pasur parasysh mundësia e përfshirjes së ndonjë kundërshpërblimi në marrëveshje. Një emër i mundshëm? Douglas Luiz.
Në plan të dytë, gjithashtu për mesfushën, vëmendja është te Frattesi, i cili ishte vendimtar të martën mbrëma në Mynih me Interin, por që dëshiron më shumë hapësirë.
Largimi nga Interi gjatë verës mund të bëhet realitet. Florentino Luis, mesfushori i Benfica-s, përfaqëson më shumë një mundësi tregu që mund të shfrytëzohet eventualisht me çmime të ulura.
Përfundimisht, sulmi: Osimhen dhe Lookman mbeten objektivat kryesorë, edhe pse të vështirë. Por kujdes për Adeyemi-n: sipas gazetës piemonteze, kontaktet me grupin e tij menaxhues nuk janë ndërprerë kurrë.
