Një 38 vjeçar është vënë në pranga nga policia ditën e sotme në Shëngjin.
Shërbimet e Policisë kanë ndaluar për kontroll një automjet tip “BMW”, me pasagjer shtetasin Elis Prenga.
Gjatë kontrollit fizik të ushtruar ndaj shtetasit u gjet dhe u sekuestrua një sasi lënde narkotike, kokainë, si dhe një shumë parash, për të cilën dyshohet se ky shtetas e kishte përfituar nga shitja e lëndës narkotike në doza.
Në cilësinë e provës materiale u sekuestruan lënda narkotike, shuma e parave, automjeti tip “BMW” dhe një aparat celular.
