Një apartament është përfshirë nga zjarri këtë të premte në zonën e Astirit në Tiranë.
Si pasojë e zjarrit, një i moshuar, një grua dhe një vajzë e vogël kanë mbetur të bllokuar brenda apartamentit, teksa një mjet zjarrfikës po punon për shuarjen e flakëve dhe nxjerrjen e tyre nga apartamenti.
Banesa që është përfshirë nga zjarri ndodhet në katet e sipërme të pallatit, teksa siç shihet edhe nga pamjet, shtëllunga të mëdha tymi po dalin prej andej.
Ngjarja ka ndodhur në zonën e njohur si “Dy palmat” në Astir, teksa ende nuk dihet se çfarë e ka shkaktuar zjarr rënien. Forcat e Policisë ndodhen në vendin e ngjarjes.
