Policia e Tiranës ka dalë me një komunikatëm për mediat në lidhje me arrestimin e ish-efektivit të forcave speciale RENEA, Altin Morina, i cili ishte shpallur në kërkim nga SPAK.
Sipas bluve të kryeqytetit, Morina akuzohet për veprën penale “Kultivimi i bimeve narkotike“, kryer në kuadrin e grupit të strukturuar kriminal. Ndërkohë, në momentin që është kapur mbrëmjen e djeshme në kryeqytet, ish-efektivi i RENEA-s ka patur edhe një armë zjarri pistoletë, e cila i është sekuestruar në cilësinë e provës materiale.
Gjjithashtu, Policia raporton se ka arrestuar edhe drejtuesin e automjetit me të cilin lëvizte Altin Morina. Në pranga është vënë shtetasi Endri Hoxha, 25 vjeç, i akuzuar për veprën penale “Përkrahja e autorit të krimit”.
“Specialistët për Hetimin e Krimeve të Komisariatit të Policisë Nr. 2, në bashkëpunim me specialistët e Seksionit për Hetimin e Narkotikëve, ndaluan shtetasin A. M., 45 vjeç, i shpallur në kërkim nga SPAK, për veprën penale “Kultivimi i bimeve narkotike“, kryer në kuadrin e grupit të strukturuar kriminal. Gjatë kontrollit fizik, 45-vjeçarit iu gjet dhe iu sekuestrua me cilësinë e provës materiale, 1 armë zjarri pistoletë. Në vijim të veprimeve policore për këtë rast, u arrestua dhe drejtuesi i automjetit me të cilin lëvizte 45-vjeçari, shtetasi E. H., 25 vjeç, për veprën penale “Përkrahja e autorit të krimit”.” – njofton Policia.
Altin Morina ishte shpallur në kërkim nga SPAK që prej 17 Majit të vitit 2024, ku u lëshuan 50 urdhër-arreste në kuadër të operacionit “Revanshi”, pas zbërthimit të bisedave në aplikacionin e enkriptuar “Sky Ecc”.
Ai do të përballet me akuza për kultivim kanabisi dhe pjesmarrje në organizatë kriminale. Sipas hetiemeve të SPAK, Morina vepronte si agjent për Durim Bamin, një figurë e krimit të organizuar nën akuzë për vrasje, duke u ofruar që të zgjidhte problemet e Bamit dhe shokëve të tij me Policinë, të tilla si pagesat e rryshfeteve për oficerët e tjerë të policisë.
Alti Morina ishte gjithashtu një “investitor” në parcelat e kanabisit në Fushë-Krujë.
“Në dinamikën e hetimit të këtij procedimi penal, janë grumbulluar prova që krijojnë dyshimin e arsyeshëm se shtetasi Durim Bami, në bashkëpunim me shtetasin Altin Morina (me detyrë efektiv i forcave “Renea” në kohën e kryerjes së krimit) kanë organizuar kultivimin e bimëve narkotike në zonën e Niklës dhe Tapizës”, thuhet në dosjen e SPAK.
Arrestohet ish-oficeri i RENEA-s Altin Morina/ Lidhja me Vis Martinajn dhe Durim Bamin
