Gjatë mitingut që Edi Rama mbajti këtë të dielë me shqiptarët e Athinës, një qytetare i vuri në dukje se në Shqipëri ka shumë mangësi dhe sipas saj, administrata publike është zero, ku nuk kanë marrë ende certifikatën e tokës.
Rama i pranoi problemet, por në mënyrë qesharake kërkoi dhe një tjetër mandat, pas 12 vitesh në pushtet, që t’i rregullojë. Edhe pse qytetarja kërkonte që të replikonte sërish, Rama nuk e la më, madje as edhe një qytetare tjetër që kërkonte të fliste.
Qytetarja: Jeni figurë shumë e shquar për momentin për shqiptarët dhe për Shqipërinë, mirëpo ka dhe mangësi akoma edhe pas kaq kohësh që jeni lider i Shqipërisë. Mangësitë që janë shumë të mëdha, për mendimin tim, në Shqipëri, administrata është zero. Akoma në këtë kohë, nuk kemi marrë akoma certifikatën e tokës. Kush më siguron që ky do jetë premtim i realizuar dhe unë mund të vij për të investuar.
Edi Rama: E para njëherë, po të mos kishte probleme, për çfarë do vija unë këtu dhe për çfarë do të kërkoja një mandat tjetër. Sepse ka ende shumë për të bërë dhe nuk ia lemë dot në dorë bufit apo atyre shitësve të qilimave. Unë po punoj për të marrë mandatin e katërt, por po punojmë për t’ia kaluar stafetën gjeneratës së re, prandaj kemi partinë më të re dhe më të vjetër. Sot, mund të marrësh 95% të shërbimeve nga Greqia apo Australia nga e albania. Nuk ka nevojë as të vish në Shqipëri, as të takosh administratën,
Qytetarja replikon
Edi Rama: Prit pra prit! E vërteta duhet vënë aty ku është. Unë nuk të them dot që administrata është perfekte, por nuk është 0. S’mund ta thuash. Tani ju në Greqi jetoni, mos më thoni që këtu është çdo gjë perfekte.
Një tjetër qytetar kërkon të flasë
Edi Rama: Duro mo se do vij, s’të fal fare se do vij dhe aty
