Gjykata e Tiranës ka vendosur që të kalojë për gjykim dosjen në ngarkim të të miturit Mario Përlleshaj, i akuzuar për vrasjen e bashkëmoshatarit të tij, Martin Cani.
Pas përfundimit të seancës ndaj Përlleshajt, 14-vjeçari Luis Meçe i cili mbeti i plagosur me thikë në tragjedinë e 18 nëntorit të vitit të kaluar, në afërsi të shkollës “Fan Noli”, ka dhënë një prononcim të shkurtër për mediat.
14-vjeçari u shpreh se përjetimi i seancës gjyqësore ishte i vështirë, teksa theksoi se është i gatshëm të dëshmojë në gjyq nëse do t’i kërkohet.
“Nuk e kam përjetuar mirë seancën, por dua të them se kërkojmë drejtësi. Jam gjithnjë i gatshëm të dëshmoj në gjyq nëse më kërkohet”, tha Meçe.
Lexo edhe:
Vrasja e Martin Canit/ Gjykata kalon për gjykim autorin, rrëzohet kërkesa për gjykim të shkurtuar
