Drejtuesi i koalicionit ‘Nisma Shqipëria Bëhet’, Adriatik Lapaj, ka zhvilluar sot takime me qytetarët dhe tregtarët në tregun e Medresesë në Tiranë, në kuadër të fushatës “Derë më derë”, e cila synon prezantimin e programit elektoral të Lëvizjes Shqipëria Bëhet.
Në një reagim në rrjetet sociale, Lapaj vuri në dukje boshatisjen e tregut, duke e krahasuar me vitet e kaluara.
“Kur isha student, në atë treg nuk kaloje dot. Sot kishte shumë pak njerëz” u shpreh ai, duke theksuar se emigrimi masiv dhe rënia e fuqisë blerëse janë probleme serioze që po ndikojnë negativisht në ekonominë shqiptare.
Lapaj siguroi qytetarët se programi elektoral i Lëvizjes Shqipëria Bëhet përmban zgjidhje konkrete për rimëkëmbjen ekonomike, ndërsa i ftoi të gjithë të interesuarit të njihen me të përmes platformës online: www.shqiperiabehet.al.
Fushata “Derë më derë” do të vijojë në ditët në vijim, me qëllim dëgjimin e shqetësimeve të qytetarëve dhe ndarjen e vizionit të Lëvizjes Shqipëria Bëhet për një ekonomi më të fortë dhe një Shqipëri më të qëndrueshme.
