Përfaqësues amerikanë të OPDAT janë paraqitur këtë të mërkurë në Prokurorinë e Posaçme (SPAK) dhe në Gjykatën e Posaçme Anti-Korrupsion.
Burime për mediat bëjnë me dije se kanë qenë të njëjtët përpfaëqsues që asistonin SPAK-un edhe para urdhrit të Donald Trump, të firmosur më 24 janar, i cili urdhëroi ngrirjen e financimeve të reja për pothuajse të gjitha programet e ndihmës ndërkombëtare amerikan.
Përfaqësuesit e OPDAT kanë kryer vizita gjatë ditës së sotme në SPAK dhe GJKKO.
Kujtojmë se Shtetet e Bashkuara të Amerikës kanë ndërprerë të gjitha ndihmat për Shqipërinë për një periudhë 90 ditore, pas Urdhrit Ekzekutiv të Donald Trump më 24 Janar lidhur me ndihmën në vendet e huaja.
Vendimi prek fondet për pothuajse të gjitha institucionet, të gjitha ministritë, Kuvendin, bashkitë dhe për të gjitha institucionet e drejtësisë, mes tyre edhe për Prokurorinë e Posaçme (SPAK) dhe Byronë Kombëtare të Hetimit.
Pas urdhrit të Trump, fondet amerikane për SPAK dhe GJKKO u ndërprenë dhe përfaqësuesit e misionit të OPDAT u larguan nga Shqipëria.
