Detaje të reja janë zbardhur në lidhje me plagosjen e dy shqiptarëve në Selanik. Mediat greke raportojnë se ngjarja e përgjakshme ka ndodhur pasditen e së shtunës rreth orës 17:30 minuta. Të dy të plagosurit raportohet se kanë marrë plagë nga një objekt i mprehtë.
Në vendngjarje është thirrur edhe ELAS-i dhe nga informacionet e deritanishme rezulton se ata kanë mbetur të plagosur gjatë një sherri mes tyre.
Dy të plagosurit janë të moshës 54 dhe 48 vjeç dhe janë dërguar në spitalin “Papageorgiou”. Fatmirësisht ata ndodhen jashtë rrezikut për jetën.
Kanë qenë kalimtarët të cilët i kanë pikasur dy shqiptarët të gjakosur në një distancë të shkurtër nga njëri-tjetri. Ata kanë njoftuar menjëherë shërbimet e urgjencës.
Sipas informacioneve, dy shqiptarët janë përdorues droge, ndërsa Policia Helenike po kryen hetimet për rrethanat e ngjarjes.
