Instituti i Mjekësisë Ligjore në Maqedoninë e Veriut ka dalë sot me një raporti në lidhje me autopsinë e 59 viktimave të tragjedisë në diskotekën e Koçanit. Drejtori Aleksandar Stankov, tha se arsyeja e vdekjes së viktimave është asfiksimi me gaz monoksid karboni, i cili është liruar nga djegia e materialeve të objektit.
“Te të gjithë 59 viktimave, arsyeja e vdekjes është e njëjtë dhe janë shkaktuar për shkak të asfiksimit që lidhet direkt me zjarrin në diskotekën “Puls”. Te një pjesë e tyre janë gjetur të djegura, të shkallës së parë dhe të dytë, te tre ka pasur të djegura të shkallës së katërt. Megjithatë, arsyeja është asfiksimi …Në atë hapësirë, në atë tym, të veprojë monoksidi i karbonit shumë mund të shkaktohet vdekje. Viktimat i pamundëson që të ikin. Domethënë ekziston dhumbja e kokës, vjellje, marramendje, pavetëdije, humbje të orientimit, paralizë të muskujve për pamundësi të lëvizjes dhe zakonisht kur ka raste të këtilla”, deklalroi Aleksandar Stankov, drejtor i Institutit për Mjekësi Ligjore dhe Kriminalistike.
Stankov, tha se gjatë autopsisë, te tre viktima janë konstatuar dhe thyerje të brinjëve që janë bërë si pasojë e shkeljeve të turmës në tentativë për të dalë nga diskoteka. Paralelisht me kryerjen e autopsive, Instituti ka kryer edhe identifikimin e viktimave edhe atë, krahas metodave të njohjes dhe dokumenteve, me test ADN dhe verifikim daktilografik apo gjurmëve të gishtërinjve.
“Që të kemi material për krahasim me ADN është formuar ekip i cili ka shkuar në Koçan edhe atë dy herë, atje është organizuar dhe është marrë mostra nga familjarë të afërm të viktimave për ADN derisa disa njerëz që kanë jetuar në Shkup apo që janë drejtuar për në Shkup erdhën direkt në Institut që të japin mostra për testim të ADN-së”, u shpreh Aleksandar Stankov, drejtor i Institutit për Mjekësi Ligjore dhe Kriminalistikë. Gjatë periudhës në vazhdim, Mjekësia Ligjore do të vazhdojë me kryerjen e analizave toksikologjike, me qëllim të konstatimit të gjitha substancave në gjakun e viktimave.
