Premtimi kryesor këtë fushatë elektorale i Edi Ramës për të kërkuar një mandat të katërt është pretendimi se do ta futë Shqipërinë në BE, edhe pse duket një mashtrim që në fillim, pasi kjo nuk është një gjë që varet nga ai, por nga Unioni.
Gjatë rubrikës së sotme “Sy më sy”, Rama nuk i ndali as lavdet për veten, ku tha se është i vetmi lider shqiptar që ka në celular kontaktet e udhëheqësve të vetë.
Rama pretendon se deri në vitin 2029 ai do e ketë futur Shqipërinë në BE dhe se më pas tha se drejtimin e Shqipërisë do t’ia lerë gjeneratës së TikTok-ut.
Edi Rama: Ky është 11 maji, interesi i Shqipërisë është para tifozllëkut partiak. Nuk ka pikë rëndësi, më pëlqen apo jo Rama, unë dhe PS ta garantojmë që mbyllim negociatat për të gjitha llojet e niveleve që kemi pasur në raport me Europën. Nuk ka pasur asnjë udhëheqës Shqipëria që udhëheqësit e Europës t’i këtë në celularin e vet. Kjo është histori për libra, jo për t’u treguar sa kohë jam unë në detyrë. Pse e them këtë? Se s’duhet të kemi asnjë luhatje tani dhe nuk është çështja a do të fitojë PS, a do ti marrë 71 deputetë, kjo nuk diskutohet. Çështja është që PS të marrë mandate të fortë që të mos ketë asnjë luhatje procesi dhe të mos i dalë njeri përpara bashkimit me Europën. Pastaj nuk jam unë në 2029, mbaron mandati në 2029, kemi kryer punë ne. A jam unë që shkoj atje dhe ulem për herë të parë tek ajo Albania, apo është dikush tjetër nuk ka pikë rëndësie.
Unë ama do ta vendos atë Albania atje, do e vendos aty dhe do e marrë për dorë atë që do të jetë, unë besoj se do të jetë socialist, mund të jetë edhe socialiste, por e marr për dore dhe i them ulu aty, e vazhdoni ju gjenerata e TikTok drejtoni Shqipërinë., Sepse do ta vendosim shumë shpejt TikTok në vijë.
