Calafiori ndez sfidën: Gjermanët ‘arrogantë’, por i kemi ulur gjithmonë me këmbë në tokë

Italia-Gjerman po afrohet dhe Riccardo Calafiori mezi pret ta luajë këtë ndeshje.

Në prag të përballjes çerekfinale të Nations League (nesër ora 20:45), lojtari i kombëtares italiane foli në konferencë për sfidën kundër ekipit të Nagelsmann, duke lëshuar një mesazh sfidues ndaj gjermanëve:

“Nuk do të jetë kurrë një ndeshje si të tjerat. Nuk e di saktësisht çfarë ndeshjeje të pres, si ne ashtu edhe ata kemi disa mungesa. Është një test i rëndësishëm, sigurisht që duam të fitojmë për të kaluar në fazën finale të Nations League.”

Por çdo ndeshje është një histori më vete, ne jemi të përulur dhe mendojmë vetëm të japim maksimumin,”.

Një ndeshje që, sipas mbrojtësit të Arsenalit, ka shumë rëndësi dhe mund të japë përgjigje për ecurinë e Italisë pas dështimit në Euro 2024:

“E di që kemi nisur një cikël të ri dhe po ndihemi mirë: ekipi është i ri, jemi të bashkuar, disa prej nesh njihen prej kohësh. Mendoj se në fushë është parë një ndryshim krahasuar me Evropianin.

Është normale të kesh ngarkesë psikologjike në një turne si ai. Sipas meje, e kemi pranuar goditjen që morëm, dhe ndeshja e parë kundër Francës ishte thelbësore. Kemi përmirësime të mëdha, dhe ndeshja e nesërme është një test i rëndësishëm për të parë ku jemi.”

Duke folur për Evropianin, është e pamundur të mos mendohet për atë aksion që çoi në golin e Zaccagni-t në minutat e fundit kundër Kroacisë:

“Ishte një emocion i jashtëzakonshëm, ndoshta më i madhi që kam përjetuar ndonjëherë në karrierë, për atë që kishte ndodhur më parë dhe për rëndësinë që kishte ai gol.

E kam parë atë moment shumë herë, dhe ajo që më emocionon ende janë pamjet në ekranet e mëdha: është një ndjenjë që i përket vetëm kombëtares, diçka që nuk e përjeton me një klub.

Nuk më kujtohet çfarë po mendoja në atë moment, e dija që ishte aksioni i fundit dhe dhashë gjithçka. Edhe Mattia shënoi një gol jo të zakonshëm, të vështirë dhe shumë të rëndësishëm./Football Italia