Partia Aleanca e Maqedonasve për Integrimin Europian (AMIE) ka njoftuar dorëheqjen nga koalicioni zgjedhor “Partia Demokratike – Aleanca për Shqipërine Madhështore”, për zgjedhjet për Kuvendin e Shqipërisë të datës 11 maj 2025.
Në një letër drejtuar Komisionerit Shtetëror të Zgjedhjeve, Ilirjan Celibashi, ky subjekt politik kërkon çregjistrimin e partisë nga ky koalicion.
“Dështuam në negociata, i kërkova një vend në listën e hapur të Korçës, refuzuan. Edhe në qarqe të tjera nuk na dhanë vende. Pra koalicion, por sna dhanë asnjë vend në listë.”– tha Vasil Sterjovski.
