Një efektiv i policisë kufitare është dhunuar pasditen e kësaj të marte, rreth orës 16:00 në Portin e Vlorës.
Burime për mediat bëjnë me dije se polici është dhunuar nga dy persona që udhëtonin me një furgon me targa angleze. Konflikti ka nisur pasi polici po u ushtronte kontroll mbi mjetin e tyre.
Sipas burimeve, dy personat kanë refuzuar kontrollin e plotë të furgonit, me pretendimin se ishin kontrolluar më parë në doganën italiane.
Për pasojë ka nisur sherri dhe efektivi ka mbetur i plagosur dhe është dërguar në spital, ndërsa dy shtetasit janë ndaluar nga Policia e Vlorës.
