Sali Berisha, gjatë fjalës së mbajtur ditën e sotme në Kuvend, ka hedhur akuza drejt disa prej deputetëve dhe ministrave të PS-së, të cilët Edi Rama duket se do i kandidojë sërish për deputet në zgjedhjet e 11 Majit.
Berisha përmendi Olta Xhaçkën, e cila shpalli bashkëshortin e saj investitor strategjik, i cili do të ndërtonte resort në një tokë me dokumente të falsifikuara.
Lideri demokra hodhi akuza dhe drejt ministrit të Mbrojtjes, Pirro Vengu, i cili sipas tij, gjatël kohës që ishte drejtor i portit të Durrësit nuk kapi asnjë kilogram kokainë.
Ogerta Manastirliut i përmendi vrasjen e Martin Canit, ndërsa Belinda Ballukut ndarjen në 14 lote të projektit të Unazës së Madhe. Më tej hodhi akuza edhe drejt Taulant Ballës për lidhje me grupet kriminale.
“Olta Xhaçka ku është? 12 mijë metër katrorë tokë publike dhe ju pazmore e pronës së saj. Në një kohë kur kushtetuta thotë se, mandati dorëzohet, nuk të bëjë më mandatin. Nuk mundet që qytetari të harrojë kur vinit me çanta superluksi dhe me këpucë ‘Antonio Vietri’, po, po. Dhe pastaj kur u shtrua problemi i çantave, vinit pa çanta në parlament. E vërteta është kjo, se ju nuk doni të ja dini fare se ekzistojnë të varfër në këtë vend.
Nuk mund që qytetari të mos e dijë se, që kur u vu ky Vengu, dezertori i NATO-s në portin e Durrësit, 1 kilogram kokaninë nuk është kapur dhe u shpërblye ky për tu bërë ministër, se klaneve të drogës u hapi portin. Nuk mund qytetari të mos e dijë se, lubi loti e ndau unazën e Tiranës në 14 kontrata. Eureka, e gjeta se si të vjedh më shumë, rekord botëror Guines. Dhe kjo zonjë, kur kërkoi të ngrihet në këmbë parlamenti për të nderuar Martin Canin, rrinte e zgërdhihej pas shpinës time. Janë të stamposura në memorien e qytetarëve shqiptarë të gjitha këto.
Po, po, nuk mundet që shqiptarët të pranojnë, cinizmin tuaj ekstrem ndaj tyre, mashtrimet një pas një të premtimeve të padrinos tuaj. Ju sot nuk duhet të kishit ardhur fare në parlament. Ju po të kishit minimumin e ndërgjegjes shoqërore, në mbledhjen e grupit të kishit vendosur, të mos dalim më para shqiptarëve. Absolutisht, ky do të ishte vendimi më i drejtë që mund të mirrni. Kjo që po them janë të vërteta.
Nuk mundet që ju, qytetari të mos e dijë se Tao Tao, është bashkëpunëtori i ngushtë i Bajrëve, i Rrahjave i Çelëve, me dokumente. Nuk mundet që qytetari të mos e dijë se anëtarë të grupit tuaj përdornin imunitetin për të fshehur krime monstruoze. Nuk mundet që qytetari të mos e dijë se ju i rrëmbyet mandatin një deputeti guximtar, një deputeti trim, një deputeti që përfaqësoi me dinjitetin më të madh zgjedhësit e tij në Korçë dhe Shqipëri, Ervin Salianji sepse ja nxorri lidhjet e tmerrshme të krimit, Fatmir Xhafës dhe Edi Ramës. Dhe ju e burgosët atë, ju e votuat në kor për ti marrë imunitetin me gjykatës dhe prokurorë politikë dhe sot ai është në burg, duke menduar se kështu i shpëtua ju verdiktit të qytetarëve.” – tha Berisha.
Më tej Berisha i këshilloi personazhet e mësipërm që të mos paraqiten para shqiptarëve, pasi sipas tij, janë fantazma dhe lugetër të një regjimi unik në Europë.
“Këshillën e fundit kam, mos kandidoni, mos u paraqisni para shqiptarëve se jeni fantazma, lugetër të një regjimi unik në Europë. Të një regjimi që me një gjenocid të butë po shfaros shqiptarët. Të një regjimi antishqiptar që vuri Kosovën nën sanksione. U bë një me Beogradin. Të një kukulle të armikut numër 1 të njerëzimit, që quhet Xhorxh Soros.” – tha Berisha.
