Ditën e sotme, Partia Demokratike po mban primaret përzgjedhjen e kandidatëve për deputet për zgjedhjet parlamentare të ‘11 Majit’.
Politologun Ilir Kalemaj, ka deklaruar se procesi i primareve shihet më shumë si një mënyrë për të mbajtur të angazhuar dhe të karikuar zgjedhësit.
Më tej ai theksoi se primaret, përveçse janë një ushtrim demokratik, janë gjithashtu një detyrim statutor.
“Primaret së pari janë një ushtrim demokratik, e dyta primaret ishin detyrim statutor dhe e treta nëse nuk do ishin realizuar primaret, opozita e para dhe brenda PD të dytët, do akuzonin Berishën për një prirje autoritariste dhe për vendosjen e rregullave si çdo vet ‘penalltinë e kam unë, po topin e gjuaj vet’, pavarësisht legjitimimit që ka si kryetar partie, i zgjedhur nga një anëtar, një votë.
Pra, nga të gjithë këto skenarë, primaret ishin një konditë e cila nuk mund te evitohej, pavarësisht nga disa pakënaqësi në PD, nga në pjesë e atyre që do të kandidohen edhe në primare, sepse në fund të ditës të gjithë donin ti zgjidhte kryetari me idenë që të ishin më afër kryetarit. Por kjo gjë do i sillte kosto Berishës dhe PD,
Duke shkuar drejt primareve, ka një arsye të katërt që i mban të karikuar zgjedhësit natyrisht edhe përmes një ushtrimi demokratik që paralelisht me fushatën ndaj një kundërshtarit politik , ti të përqendrohesh drejt masivizimit të votave brenda partisë dhe në pjesë të atyre që nuk do të fitojnë do të futen në lista të hapura dhe natyrisht kjo do ishte një fushatë për të mbajtur gjallë frymën deri në finish të një partie që deri para pak muaj, nuk kishte as siglën, as vulën dhe kishte përçarje”, deklaroi politologu.
Pavarësisht nga natyra e këtyre primareve, Kalemaj vuri në dukje se ato nuk janë klasike si në SHBA, ku primaret janë të lidhura me debatet ideologjike dhe fraksione të ndryshme.
“Në Shqipëri, pohon ai ato janë më shumë një garë mes kandidatëve, pa pasur një debat të thellë ideologjik që do të mund të përcaktonte një linjë mbizotëruese.
Këto në fakt nuk janë primare klasike siç bëhen në SHBA, ku dhe ka lindur nocioni primare sepse nuk ka pasur debat që i paraprin primareve, fraksione, mendime ideore ideologjike të kundërta mes kandidatëve dhe më pas të përcaktohej linja mbizotëruese përmes frymës që përcjell.
Në rastin konkret kjo është më shumë si një garë, dhe do duhej të ishin bërë tetë muaj më përpara në mënyrë që ata kandidatë të mund të shpalosnin programin e tyre që të përfaqësonin bazën e partisë, kjo pastaj do rriste akoma më tepër legjitimitetin e primareve.”, tha Kalemaj në MCN TV.
