Një ngjarje e rëndë ndodhi mesditën e së enjtes në kryeqytet, ku një vajzë e re u gjet e vdekur në një apartament në Tiranë, e cila dyshohet se është vrarë nga partneri i saj.
Autoritetet policore raportojnë se viktima është shtetasja palestineze Ryyan Alwan, 24 vjeçe. Dyshohet se autori i krimit është bashkëshorti i saj, shtetasi palestinez Fadi Alwan, 49 vjeç.
Ngjarja e rëndë ndodhi një banese të marrë me qira ditore, në rrugën “Gjon Muzaka”, pranë Bllokut të Ambasadave. Çifti e kishte marrë me qira apartamentin që prej datës 19 Shkurt.
Mediat kanë publikuar foton e çiftit palestinez Fadi Alwan dhe Rayyan Alwan të cilët raportohet se kishin rreth 25 vite diferencë nga njëri-tjetri.
Çifti kishte shtetësi gjermane dhe jetonin në Mynih. Ata kishin ardhur në Shqipëri si turistë dhe kjo ishte hera e parë që vizitonin Shqipërinë. Siç mund ta shihni në pamjet më poshtë, Ryyan Alwan dhe partneri i saj, Fadi Alwan mbërrijnë në Rinas më 19 shkurt.
Grupi hetimor ka dyshime të forta se kemi të bëjmë me një vrasje me paramendim pasi ka analizuar të gjitha veprimet e autorit.
Ai ka dalë shumë i qetë nga banesa pasi ka kryer krimin. Burime nga policia thonë se nga këqyrja e kamerave të sigurisë, del që pas vrasjes ka pastruar ambientin. Ai ka marrë gjërat dhe i ka hedhur në koshat e plehrave.
Nga pamjet del se 49-vjeçari i ka hedhur në kosha të ndryshëm për të vështirësuar punën e policisë. Policia e Tiranës po bënë gati letërporosinë për autoritetet greke për të kërkuar informacion në lidhje me vrasjen e 24-vjeçares Rayyan Alwan.
49-vjeçari Fadi Alwan është shpallur në kërkim ndërkombëtar për rastin dhe autoritetet greke pritet të njoftojnë policinë tonë nëse figuron në Greqi, apo ka lëvizur në vend tjetër.
Pronari i banesës me qira, tha se të dy flisnin gjuhë të huaj, gjermanisht dhe në disa raste edhe arabisht. Kurse pronarja e banesës ka thënë se u ka kërkuar kartën e identitetit, kur ata kanë marrë me qira apartamentin, por kanë deklaruar se nuk e kishin.
Lexo edhe:
Del FOTO-ja/ Vrasja e 24-vjeçares nga partneri, momenti kur çifti palestinez mbërrin në Rinas
