Një ditë pasi policia ekzekutoi 24 masa sigurie ndaj 24 punonjësve të Universitetit Bujqësor në Kamëz për abuzim me tenderat, kryeministri Edi Rama mblodhi grupin parlamentar për një dëgjesë me rektorin e këtij universiteti, Fatabardh Sallaku.
Mesa duket, e vetmja gjë që e paska shqetësuar Ramën në këtë skandal, është mendimi i partnerëve austriakë të Universitetit Bujqësor.
“Gjëja e parë që mua më ka shkuar në mend është çfarë do të mendojnë partnerët austriakë kur ta dëgjojnë. 24 veta masë sigurie, një numër marramendës për një çështje që ka 2-3 vjet dhe që nuk ka asnjë lloj arsye për të krijuar këtë goditje për një institucion të arsimit të lartë.”- tha Rama.
Në vazhdën e kritikave që ai i ka bërë SPAK-ut që pas arrestimit të Veliajt, Rama shprehet se forcat speciale shkuan në UBT “a thua se u fut në fshatin e Corleone”.
I shqetësuar se po turpërohet para partnerëve të huaj, Rama tha se me lëshimin e masave të sigurisë iu dha shqelmi, sipas tij, marrëveshjes së arritur me Universitetin e Bujqësorit, të cilën ai e ka arritur duke shkuar si lypës.
“Të marrësh 24 masa dhe ti japësh shqelmin një marrëveshje të bërë duke shkuar unë atje personalisht si lyps në shkallët e Universitet të Bokut të Vjenës ku më shihte rektori si UFO, 150-160 vite Universitet je i pari kryeministër që vjen këtu dhe nuk e di çfarë kërkon”, tha Rama.
Faja e Ramës:
Po tani që Amerika ka dalë nga rreshti për arsyet e veta, kush është garanti për drejtësinë e re? Vetëm PS askush tjetër.
Ne nuk mund të themi s’ka problem le të torturohen njerëz të pafajshëm sepse neve na duhet të kapim të fajshmit sepse ka një postulatë.
Më mirë 10 të fajshëm jashtë se 1 i pafajshëm në burg. Të marrësh 24 masa dhe ti japësh shqelmin një marrëveshje të bërë duke shkuar unë atje personalisht si lyps në shkallët e Universitet të Bokut të Vjenës ku më shihte rektori si UFO, 150-160 vite Universitet je i pari kryeministër që vjen këtu dhe nuk e di çfarë kërkon.
Për t’ju lutur hajdeni në Shqipëri, hajde ta bëjmë një Universitet austriak, dua që në 2-30 ta kemi Universitetin tonë një Universitet të gjithë rajonit ku të vijnë të marrin diplomën austriak sepse nuk na vjen njeri të studiojë për agronom.
Si i shpjegohet austriakëve që një forcë speciale futet në Universitet dhe merr 24 masa sigurie për paraburgim, arrest shtëpie dhe detyrim paraqitje a thua se u fut në fshatin e Corleones, këto 24-34-44 u bën Prokuroria Antimafia në Itali, por në një Universitet? Kur e pyeta rektorin për çfarë shume bëhet fjalë, tha për nën 300 mln të vjetra, pastaj pashë që është edhe më shumë.
Dy vite ka ai që ka lënë celularin në SPAK nuk ia kthejnë, nuk është fare person nën hetim, I ka dhënë letrën për tu bërë rektor, mund të dalë në edhe ai fajtor në fund, problemi është se nuk mund të nisemi nga ideja se çdo person është i fajshëm dhe duhet të provojë pafajësinë e vet.
