Qeveria ka emëruar Gerta Lubonjën në postin e kryetares së Komisionit për Furnizimin me Ujë dhe Përpunimin e Ujërave të Ndotura. Vendimi është marrë në mbledhjen e sotme të Këshillit të Ministrave.
Gerta Lubonja gjatë viteve 2014-2017 ka qenë në krye të Drejtorisë së Menaxhimit të Burimeve Ujore, pranë Sekretariatit Teknik të Këshillit Kombëtar të Ujit, ndërsa në vitin 2017 u emërua në pozicionin e Drejtorit të Përgjithshëm të Agjencisë së Menaxhimit të Burimeve Ujore.
Vendimi i plotë:
VENDIM PËR EMËRIMIN NË DETYRË TË KRYETARIT TË KOMISIONIT KOMBËTAR RREGULLATOR TË SEKTORIT TË FURNIZIMIT ME UJË DHE TË LARGIMIT E TË PËRPUNIMIT TË UJËRAVE TË NDOTURA
Në mbështetje të nenit 100 të Kushtetutës dhe të nenit 4, të ligjit nr.8102, datë 28.3.1996, “Për kuadrin rregullator të sektorit të furnizimit me ujë dhe të largimit e të përpunimit të ujërave të ndotura”, të ndryshuar, me propozimin e Kryeministrit, Këshilli i Ministrave.
V E N D O S I:
Emërimin e znj. Gerta Lubonja në detyrën e kryetarit të Komisionit Kombëtar Rregullator të Sektorit të Furnizimit me Ujë dhe të Largimit e të Përpunimit të Ujërave të Ndotura.
Ky vendim hyn në fuqi menjëherë dhe botohet në “Fletoren zyrtare”.
