Meteorologia Lajda Porja tha se ditët e fundit të muajit shkurt pritet të jenë me mot të paqëndrueshëm.
Porja bën me dije se do të kemi vranësira dhe rreshje shiu në pjesën e dytë të ditës, kurse zonat e thella malore do të shoqërohen nga reshje dëbore.
“Kjo java e fundit e shkurtit do të jetë e paqëndrueshme. Vranësirat kanë qenë prezente që ditën e diele dhe mëngjesin e sotëm kanë filluar pikat e para të shiut. Pjesa e dytë e ditës do ketë reshje shiu, të cilat do të jenë më prezente në jug të vendit, ku nuk do të mungojnë rrebeshe të izoluara. Zona të thella malore do kenë reshje në formën e borës, për shkak se tashmë mëngjeset kanë filluar të ngrohen. Reshjet gjithashtu do të jenë prezente edhe të mërkurën, ndërsa të enjten pritet të kemi një ndërprerje të tyre. Ndërkohë e premtja dhe fundjava do të jenë sërish me shi”, tha Porja në Euronews Albania.
