Qytetarët gjermanë do të votojnë të dielën në zgjedhjet federale që mund të riformësojnë peizazhin politik të vendit. Me rënien e qeverisë së mëparshme të koalicionit të udhëhequr nga kancelari Olaf Scholz, gjermanët pritet të zgjedhin një drejtim të ri për ekonominë më të madhe të Evropës.
Favoriti për t’u bërë kancelari i ardhshëm gjerman është Friedrich Merz, lideri i partisë së qendrës së djathtë, Unioni Kristian Demokrat.
Sondazhet tregojnë se CDU gëzon një epërsi me 28% mbështetje.
Por është rritja e partisë së ekstremit të djathtë Alternativa për Gjermaninë që ka tërhequr vëmendjen e shumë analistëve përpara këtyre zgjedhjeve. AfD është rritur në popullaritet dhe aktualisht po renditet e dyta, që pritet të marrë rreth 21% të votave, ndërsa Partia Social Demokrate (SPD) liberale është me 16% dhe të Gjelbërit me 14%.
Duket e pamundur që një parti e vetme të fitojë diku afër shumicës së plotë të vendeve në Bundestag, duke pasur kështu mundësinë e krijimit edhe të qeverisë së ardhshme.
Në vend të kësaj, partitë duhet të negociojnë aleanca për të formuar një qeveri, me partinë që merr më shumë vende në përgjithësi duke e vendosur udhëheqësin e saj në rolin e kancelarit. Ky sistem i përfaqësimit proporcional synon të sigurojë përfaqësim më të gjerë dhe stabilitet politik. Qeveritë e koalicionit shpesh kërkojnë kompromise ndërmjet partive me prioritete të ndryshme politike, duke e bërë qeverisjen një proces negocimi.
Pavarësisht rritjes së popullaritetit të tyre, të gjitha partitë kryesore gjermane, përfshirë CDU-në e Merz-it, kanë përjashtuar kategorikisht formimin e një koalicioni me AfD-në . Ky përjashtim do të thotë se është praktikisht e sigurt që AfD nuk do të jetë pjesë e qeverisë së ardhshme.
