Ditën e sotme po mbahet në GJKKO seanca e radhës për dosjen “Plumbi i Artë” me dëshmitë e të penduarit të drejtësisë, Nuredin Dumanin.
Në seancën e sotme iu është dhënë e drejta avokatëve që ta pyesin Nuredin Dumanin, mbi ngjarje të ndryshme kriminale për të cilat akuzohen klientët e tyre.
Një nga avokatet e të pandehurve në sallën e gjyqit pretendoi se u kërcënua me jetë nga i penduari Nuredin Dumani. Në kohën që gjykata vendosi të ndërpresë seancën për 10 minuta, avokatja mori fjalën dhe kërkoi të merren masa.
“Para se të ndërprisni seancën, lutem të dëgjoni procesverbalin audio të seancës. Teksa po flisnit i penduari më tha ‘do merrem dhe me ty, me ke ngelur ti pa vrarë’. Nuk mund të kërcënohemi kështu!”, citohet të ketë thënë avokatja.
