Gazetari Artan Hoxha shprehet se Rama me mbledhjen që bëri këtë të enjte me punonjësit e administratës së Bashkisë së Tiranës, i vuri kryebashkiakut të arrestuar Erion Veliaj qivurin poltik.
Gjatë nje interviste, Hoxha tha se Rama nuk mund të bënte lëshim më të madh se Erion Veliaj, në prag të zgjedhjeve të përgjithshme parlamentare, pavarësisht mbrojtjes që i bëri në dosjet e tjera të copëzuara tashmë, ajo e incineratorit të Tiranës dhe 5D.
Sipas gazetarit Hoxha, mesazhet që ka dhënë Rama për SPAK, për telefonin e tij që të mos ia sekuestrojnë, janë për konsum publik, por shqetësuese për të është fakti se kryeministri ka kërcënuar Strukturën e Posaçme me ndërprerjen e burimeve njerëzore dhe ekonomike, duke i vënë sipas tij ‘kufirin te thana’.
‘Rama na bëri një nder me paraqitjen sot, tregoi se ishte skenografi. Ne do e shohim në vijimësi që do i shkelë ligjet. Para 34 vitesh, busti ka qenë nga krahu i Bankës së Shqipërisë, sot kishim një Skëndërbe përballë dhe Skëndërbeu tjetër është mbuluar… M’u duk sipari, vendosi epitafin, qivurin politik të Erion Veliajt, e përcolli si trimat. Me këtë rast Rama s’mund të bëntë lëshim më të madh se Veliaj. Veliaj korri atë që kishte mbjellë, sepse s’kishte mundësi më ku ta mbronte. Rama e mbrojti tek incineratorët, e copëzuan dosjen. Ne nuk pamë shkresë të Tamës tek inicineratori. Bllako iku në Kosovë u arratis, e prenë në besë se do rish në burg një muaj i thanë, ai po mban faturën e të gjithëve aty. Te 5D u mbrojt, Veliaj shkoi për gjënë më të vogël që mund të bëntë. Po hetohej vëllai i Veliajt, s’është vëllai në dosje, është gjëja e tij, nuk implikohen të tjerët.
Tek ajo protesta spontane… arrestimi u bë të hënën, dhe për 24 orë Rama s’foli fare, asnjë nga PS, dhe të martën në ‘sy m’sy’ bëri një agresion si kurrë më parë, dhe ditën pas të gjithë punonjësit e bashkisë, e kanë rrethuar nga mëngjesi e deri në mesnatë dhe si ansjëherë tjetër…mendosni se kanë shkuar me dëshirë para kamerave e SPAK, GJKKO? Harrojeni këtë gjë. Vetëm një urdhër t’u shkonte ‘shpërndahuni’ e ata do e bënin. Ajo që tha sot Rama: ‘të mbrojta deri këtu sa kisha takat’, tani e mbylli kapakun e veliajt si investim kryesor në politikë. Sot Rama e mbylli kapitullin dhe ai e ka ndjerë që bashkia ka marrë një goditje, pasi në Tiranë Veliaj e kishte zhdukur strukturën e PS, s’ka më PS në Tiranë. Veliaj është korruptuesi nr.1 i mediave, sulm më barbar, dilte vetë e sulmonte.
Rama s’ka nr2. Secili mundohet të krijojë lobingun politik e ekonomik në sytë e Ramës për shkak të asaj që ai përfaqëson. Rama s’harroi të thoshtë një gjë për biznesmenët, po fliste si kryetar bashkie: Ju do ta ndani e pastroni Lanën, nëse doni të merrni leje ndërtimi? Meritën e parkut Rinia e Lana, e ka marrë Rama. Se kalojnë te 20%. Qysh më 2004 kanë nisur lidhjet e Ramës me biznesmenët dhe krimin, që kanë marrë lejet në zonat më të mira në Tiranë. Rama gjatë kësaj jave ka këmbëngulur, SPAK s’ezkistonte pa këtë ‘kockën’ këtu, ua ka bërë të qartë që çdo gjë që ka SPAK, mjete, burimet njerëzore dhe ekonomike, pa mua ju do të asgjësoheni. SPAK-ut i ka vënë kufirin te thana…S’është nevoja t’i marrësh telefonin Ramës, sepse i ka të gjitha te zgjedhjet e 2021.
