Sali Berisha i është drejtuar në Kuvend deputetit socialist, Alban Xhelili, duke e pyetur se si arriti të shpëtonte pa shkuar edhe ai te ish-kolegu i tij, Jurgis Çyrbja, i cili ndodhet në burg për shkak të përfshirjes me bandat kriminale në Durrës.
Berisha e cilëson si habia e parlamentit për faktin se është i vetmi deputet mashkull nga qarku i Durrësit që ka ngelur.
“Si shpjegohet që nga të gjithë ata që ishin nga qarku i Durrësit, mbete i vetmi burrë në këtë parlament? Të tjerët avulluan. Ku shkoi ai, miku yt. Ku shkoi ai deputeti tjetër, e di apo jo, ku e ke? Prandaj dhe, ti je habia e parlamentit. Si shpëtove ti pa shkuar tek Çyrbja, tek ata.
Uroj që të mos kesh, por që je habia e parlamentit, je ti. Se je i vetmi deputet i Durrësit burrë që ke ngel në listë. Them atë që është unë. Se ikën ata tjerët me radhë njëri pas tjetrit, mbete vetëm ti.”– ta Berisha.
