Shtetasi Ergys Likaj, i shpallur në kërkim për trafik droge dhe pjesëmarrje në një organizatë kriminale është arrestuar këtë të diel.
43-vjeçari është arrestuar me qëllim ekstradimin drejt Italisë. Në vitin 2016, gjykata e Romës në Itali i ka caktuar këtij shtetasi masën e sigurisë “Arrest me burg”, r veprat penale “Organizatë kriminale” dhe “Trafikimi i narkotikëve”.
“Si rezultat i shkëmbimit të informacioneve dhe i koordinimit të punës me homologët italianë, shërbimet e Drejtorisë së Forcës së Posaçme Operacionale (Fast Albania), në kuadër të operacionit “Operacionalja 27”, lokalizuan në Pogradec dhe arrestuan provizorisht shtetasin e shpallur në kërkim ndërkombëtar, E.L., 43 vjeç, banues në Durrës.
Gjykata e Romës/Itali, në vitin 2016, ka caktuar për këtë shtetas masën e sigurisë “Arrest me burg”, për veprat penale “Organizatë kriminale” dhe “Trafikimi i narkotikëve”, parashikuar nga Kodi Penal i Italisë”, njofton policia.
Interpol Tirana po bashkëpunon me Interpol Romën për të finalizuar procedurën e ekstradimit të këtij shtetasi në Itali.
