Mediat italiane kanë reaguar ndaj paraqitjes së fundit të Kyle Walker për Milanin, pasi ata humbën 1-0 në ndeshjen e parë të raundit të play-off-it të Ligës së Kampionëve ndaj Feyenoord.
Pas një periudhe të dobët forme për Manchester Cityn, ku Walker ishte kapiten i ekipit, ai la kampionët e Premier League në afatin kalimtar të janarit dhe arriti një marrëveshje huazimi me gjigantët italianë të Milanit.
Anglezi bëri paraqitjen e tij të katërt për ekipin e Sergio Conceicaos të mërkurën në mbrëmje, duke luajtur për Milanin për herë të parë në Ligën e Kampionëve.
Por gjërat nuk shkuan siç duhej për Walker dhe Milanin, të cilët humbën 1-0 në Rotterdam pasi Igor Paixao shënoi vetëm tre minuta pasi filloi ndeshja.
Paixao u shpall “Lojtari i Ndeshjes”, ndërsa Walker arriti të fitonte vetëm 42% të dueleve të tij.
Reagimet e mediave
La Repubblica i dha notën 4.5 për paraqitjen e Walker dhe tha se ai “nuk e kishte në kontroll ndeshjen”.
Gazzetta tha se ish-mbrojtësi i Tottenham kishte “një mbrëmje të vështirë”.
Sempre Milan i dha 5/10, duke theksuar se Walker “sigurisht e humbi betejën e tij 1v1 dhe pati vështirësi të përgjithshme në mbrojtje”. Me një sukses kalimi prej kjo media shkroi se Walker “ndihmoi pak në sulm “.
Për fund, gazetari Matteo Bonetti shkruajti në X se Walker kishte pasur “lojën e tij më të vështirë me Milanin prej që ai u bashkua me këtë ekip” dhe shtoi se kundërshtari i tij, Paixao, dukej “i pandalshëm” në krahun e tij.
Reagimi i Walker ndaj humbjes
“Ata shënuan dhe ne jo. Ky është futbolli. Na duhet të punojmë më shumë në sulm para portës. Duhet të bëjmë më shumë, ekipi ka shumë cilësi. Nëse nuk shënojmë gola, është sepse duhet të sulmojmë më mirë si një ekip. Duhet të sulmojmë dhe mbrojmë të gjithë së bashku.
