Gazetarit Armand Shkullaku, tha se Erion Veliaj duhet të kishte marrë me vete edhe Edi Ramën në qeli.
I ftuar në Syri TV Shkullaku deklaroi se, Edi Ramës i ka rënë e gjithë kupola qeveritare dhe partiake dhe për këtë arsye ai ose duhej të ishte në burg, ose do të duhej të ishte dorëhequr.
‘Ne kemi arritur kulmin, ai arrestohet, mediat e japin sikur është live.
Çfarë rëndësie ka kjo përballë një korruptimi total të shoqërisë, nga një bashibozuk që harxhon 1 milionë euro për të kënaqur trillet e gruas së vet.
Ky është problemi.
Kush ka folur këtu kur ne thoshim ky po vjedh incineratorin, ‘5D’, po shpërndan para për mediat, po blen vota, ky po korrupton çdo njeri në këtë vend.
Që kur u bë ministër që bënte dasma nga 7 seri dhe thoshte kam vajtur në punë. Pra kush nga kolegët tanë, bënte këto gjëra, nga këta që botonin sondazhet se Erion Veliaj po rritet dhe nuk e besonin Sali Berishën, por Erion Veliaj.
Apo ka më rëndësi të themi se SPAK me këtë tregoi se është i pavarur.
Ka një njeri që ka vepruar 3 vjet në zyrë, duke e ditur botërisht që ka qenë i përfshirë në këto aferat për të cilat është arrestuar sot.
Në asnjë vend të botës, një gjeneral që i kapen 4 drejtuesit kryesorë të ushtrisë, duhej të ishte në burg vetë, ose duhej të kishte dhënë dorëheqjen.
Ky është Edi Rama
Saimir Tahiri, Ilir Beqaj, Arben Ahmetaj, Erion Veliaj.
Nuk ka më një kupolë që të jetë në këtë farë feje. Ti e dëgjon dhe nuk i beson veshëve.
Shkon i pari i vendit, bën SPA 10 mijë euro java, ja fut një NBA.
Jemi 12 vjet në vjedhje totale, po dëgjojmë për vila, bizhuteri, miliona, chartera nga 12 mijë euro dhe ti thua se ky është rrëfim politik.
Ne jetojmë në një regjim kleptokratik, na vjedhin përditë dhe të dalim e të themi se, po të mos ishte SPAK shifra nuk do ishte 1 mln, por nuk do ta dinim fare. Është vjedhur ajo, janë bërë brekë e fustan. Të kujt janë ato para?
Kur vjedh për sulltanin, do të vjedhësh dhe pak te pashallëku jot. Këta janë ca pashallarë që sulltani u ka dhënë leje për të vjedhur’, tha gjatë debatit në SYRI TV, gazetari Armand Shkullaku.
