Ballkani do të bëjë një tjetër shitje të madhe. Lindon Emërllahu do të largohet nga kampionët e Kosovës, për të nisur një aventurë të re në Rumani, aty ku do të firmosë me klubin e Cluj.
Mesfushori difensiv ka vendosur që t’i japë fund bashkëpunimit me Ballkanin, teksa mungon vetëm zyrtarizimi. Klubi shqiptar do të jetë “fituesi” i madh i këtij transferimi, pasi do të përfitojë plot 800 mijë euro.
Madje drejtuesit e klubit nga Theranda kanë vendosur të ruajnë edhe 20% të kartonit të futbollisit në rast rishitje.
Kujtojmë se 22 vjeçari është pikërisht një prodhim i Ballkanit, me të cilët aktivizohet prej vitit 2021. Madje Emërllahu ka luajtur 6 ndeshje me përfaqësuesen A të Kosovës.
