Një sherr që ka përfunduar me përdorim e një arme zjarri ka ndodhur gjatë natës së sapo lam pas në qytetin e Durrësit.
Sipas policisë, tre persona janë arrestuar nga policia, ndërsa dy të tjerë janë shpallur në kërkim.
Më tej policia bën me dije se dy shtetasit e shpallur në kërkim Hamdi Llana dhe Klajdi Senko, janë konfliktuar për motive të dobëta me 48-vjeçarin Gentian Zeneli, të cilin e kanë dëmtuar me sende të forta dhe gjatë konfliktit kanë qëlluar me armë zjarri në ajër për ta kanosur atë.
Edhe pse mbeti i dëmtuar nga sherri, Gentian Zeneli ka rënë në prangat e policisë për moskallëzim krimi.
Ndërsa Spiro Shore dhe Jolanda Zeqiri u arrestuan për veprat penale “Veprime qe pengojnë zbulimin e se vërtetës” dhe Moskallëzimi i krimit”.
“Shtetasit e përfshirë në konflikt të cilët dyshohet se kishin qëlluar me armë gjatë konfliktit, kur kanë konstatuar shërbimet e Policisë janë larguar me shpejtësi me një automjet, të cilët janë identifikuar dhe shpallur në kërkim dhe konkretisht shtetasit H. Ll., dhe K. S.
Në vijim të veprimeve hetimore, janë vënë në pranga shtetasit:
- Z., 48 vjeç, banues në Durrës, për veprën penale “Moskallëzimi i krimit”.
- Sh., 38 vjeç, banues në Durrës, për veprat penale “Veprime qe pengojnë zbulimin e se vërtetës” dhe Moskallëzimi i krimit”.
- Z., 26 vjeçe, banuese në Durrës, për veprën penale “Veprime që pengojnë zbulimin e së vërtetës”.
Po nga veprimet ka rezultuar se shtetasit H. Ll., dhe K. S, të cilët janë shpallur në kërkim, janë konfliktuar për motive të dobëta me shtetasin G.Z, të cilin e kanë dëmtuar me sende të forta dhe gjatë konfliktit kanë qëlluar me armë zjarri në ajër për ta kanosur atë”, thuhet në njoftimin e policisë.
Materialet procedurale i kaluan Prokurorisë Durrës, për veprime të mëtejshme.
