Tirana luan nesër ndaj Partizanit në “Arenën e Demave” ku do të kërkojë të thyejë tersin dhe të marrë fitoren e parë në derbi që prej tetorit të vitit 2022.
Tirana do të luajë me katër sulmues në derbi. Trajneri Bledi Shkëmbi ka vendosur që të hedhë në fushë “artilerinë e rëndë” për këtë sfidë “jetë a vdekje”. Me një mori mungesash, zgjedhjet e Shkëmbit duket se janë të detyruara.
Kështu, nga minuta e parë në portë do të luajë Selmani. Portieri është futbollisti i pazëvendësuar asnjëherë këtë sezon te skuadra e Tiranës.
Mbrojtja – Në sfidën e fundit me Elbasanin, Meta luajti në të djathtë të mbrojtjes. Edhe këtë herë do të ndodhë një gjë e tillë. Në këtë repart do të rreshtohen edhe me Dembele, Kola e Përgjoni. Mbrojtje me katër dhe sytë nga loja në ajër.
Mesfusha – Shkëmbi e ka salduar se dy lojtarët që do të luajnë në qendër janë Rafael e Soler. Braziliani dhe spanjolli plotësojnë njëri-tjetrin dhe kanë luajtur shumë mirë këto javë kampionat. Dyshja ka shënuar ka dhënë asiste dhe ka konsoliduar manovrën, në dy fazat e saj. Nga krahët janë Ndreca dhe Prengaj ose Abah. Në sulm do të luajë Ernest, si dhe Zharmuni. Sido që të jetë moduli, bardheblutë do të hedhin në fushë katër sulmues.
Dëmtimet – Nga Tirana dihet që mungojnë tre lojtarë, Gjumsi, Ismajli dhe Haxhiu. Po kështu, në dyshim shumë të madh është edhe Marku. të katër lojtarët janë jashtë. Për sfidën me Skënderbeun, rrezikojnë katër lojtarë të tjerë. Nëse Ndreca, Përgjoni, Meta dhe Prengaj ndëshkohen me karton të verdhë, humbasin takimin tjetër atë me korçarët në shtëpi. Bardheblutë vinë pas një fitoreje e një barazimi kundër Bylisit dhe Elbasanit.
