Policia e Tiranës ka arrestuar dy persona, të cilët arrestohen për një sërë vjedhjesh të banesave dhe marketeve në kryeqytet.
Në kuadër të operacionit policor të koduar “Shadow Hunt” janë vënë në pranga shtetasit Endri Guzja, 34 vjeç, banues në Bulqizë dhe Olsen Lala, 38 vjeç, banues në Tiranë.
Deri më tani janë zbardhur dhe dokumentuar 6 vjedhjev të kryera brenda 5 javësh, prej fundit të dhjetorit, deri në fillim të shkurtit.
Autoritet policore bëjnë me dije se ata studionin vendet dhe banesat që vidhnin dhe vepronin në orët e vona të natës, duke hyrë nga dritarja apo çatia e banesave.
Nga hetime e kryera nga blutë e kryeqytetit ka rezultuar se këta shtetas janë autor të vjedhjeve të mëposhtme:
– Më datë 29.12.2024 kanë vjedhur një shumë parash në banesën e shtetasit M. N.
– Më datë 12.01.2025 kanë vjedhur një shumë parash në banesën e shtetasit H. M.
– Më datë 22.01.2025 kanë vjedhur artikuj të ndryshme në marketin e shtetases M. K.
– Më datë 24.01.2025 kanë vjedhur disa sende me vlerë në banesën e shtetasit O. P.
– Më datë 27.01.2025 kanë vjedhur një shumë parash në banesën e shtetases L. H.
– Më datë 02.02.2025 kanë vjedhur shumën prej 7000 euro në farmacinë e shtetasit D. J.
Në cilësinë e provës materiale janë sekuestruar një shumë parash prej 1600 euro, të cilat kanë rezultuar të vjedhura në banesat e lartpërmendura.
Policia njofton se vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jenë të implikuar Endri Guzja dhe Olsen Lala.
Materialet proceduriale i kaluan Prokurorisë së Tiranës për veprime të mëtejshme.
