Policia ka reaguar në lidhje me zjarrin e rënë mbrëmë në bodrumin e Spitalit Psikiatrik rreth orës 21:50.
Policia bëri me dije se shkaku i zjarrit dyshohet të jetë një shkëndije elektrike dhe se nga flakët janë shkaktuar vetëm dëme materiale.
“Më datë 05.02.2025, rreth orës 21:50, dyshohet se për shkak të një shkëndije elektrike ka rënë zjarr në bodrumin e Spitalit Psikiatrik. Nga zjarri janë shkaktuar vetëm dëme materiale“, thuhet në njoftim.
Kujtojmë që Qendra Spitalore Universitare “Nënë Tereza” informoi se zjarri ka rënë në katin -1 të Spitalit të Neurologjisë por ‘pa asnjë rrezik për pacientët apo stafin’
“Stafi mjekësor dhe ekipet teknike kanë ndërhyrë për të vlerësuar situatën dhe garantuar vijimin normal të shërbimit. Autoritetet përkatëse janë njoftuar për të kryer verifikimet e nevojshme dhe për të siguruar që gjithçka është në parametra të sigurt’ informoi QSUT.
Lexo edhe:
Përfshihet nga zjarri spitali i Neurologjisë? Reagon QSUT: Konstatuam tym në katin -1
