Real Madrid u mposht 1-0 në transfertë mbrëmë ndaj Espanyol, në një ndeshje ku nuk munguan polemikat. Rasti më flagrant ishte ndërhyrja e rëndë e lojtarit të Espanyol, Romero ndaj Mbappe, ku të gjithë prisnin ndëshkimin me karton të kuq, por gjyqtari dhe VAR nuk menduan kështu.
Carlo Ancelotti nuk e ka fshehur zhgënjimin me gjyqtarin e ndeshjes dhe sidomos me VAR-in, duke e quajtur vendim të pashpjegueshëm mosndëshkimin e kundërshtarit me të kuq në atë rast.
“Ishte një faull i qartë, një ndërhyrje vërtet e keqe që mund të rrezikonte shumë lojtarin. Vendimi i marrë nga gjyqtari dhe VAR është i pashpjegueshëm, në atë rast duhej të mbrohej lojtari që ishte në rrezik dhe jo ndërhyrja që bëri kundërshtari.
Të gjithë e panë që ishte një ndërhyrje e rrezikshme që duhej ndëshkuar me karton të kuq. Nuk dua të flas për arbitrin e takimit në përgjithësi, por e kam vetëm me këtë rast. Ishte vendim i pashpjegueshëm nga arbitri dhe VAR”, tha Ancelotti.
Es una locura que ni el árbitro ni el VAR sancionen este entradón a Mbappé con tarjeta roja.
Romero le clava los tacos en el gemelo a Kylian en una acción temeraria y debió ser expulsado.
Una más.pic.twitter.com/uDcdDZpp7E
— Helena (@HdeHelena_RM) February 1, 2025
