Gjykata ka rrëzuar kërkesën e ish-kryebashkiakut të Kukësit, Safet Gjici, i cili kërkoi lirinë me pretendimin se vuante nga probleme shëndetësore.
Safet Gjici kishte kërkuar që pjesën tjetër të dënimit ta kryente në shtëpi. Por Gjykata e Elbasanit nuk e ka pranuar kërkesën e ish-kryebashkiakut të Kukësit.
Kujtojmë që Gjykata e Posaçme e Apelit dënoi Safet Gjicin me 4 vite e 6 muaj burg. Ish-kryebashkiaku socialist dënohet me vendim të formës për veprën penale “Korrupsioni pasiv i funksionarëve të lartë shtetërorë ose i të zgjedhurve vendorë”.
Edhe për Alma Kaçin u ndryshua vepra penale. Ajo u dënua në Shkallën e Parë për ‘prostitucion’, ndërsa sot Apeli i GJKKO vendosi ta dënojë me 1 vit e 6 muaj burg për akuzën e “korrupsionit aktiv”.
Të dy të pandehurit përfitojnë nga gjykimi i shkurtuar dhe përkatësisht Safet Gjici do të kryejë 3 vite burg, kurse Alma Kaçi 1 vit heqje lirie.
