Tirana – Elbasani është një nga ndeshjet më interesante të javës së 23-të të Superiores. Duel ky i parashikuar të luhet ditën e shtunë në orën 16:30.
Badheblutë e Bledi Shkëmbit vazhdojnë të “shtegtojnë” në këtë sezon, pasi “Arena Kombëtare” po rinovohet dhe nuk mund të luajnë në kryeqytet. Tashmë është mësuar edhe stadiumi ku do të luhet kjo përballje.
Është skuadra e Elbasanit që ka zyrtarizuar axhendën e kësaj sfide, e cila do të luhet në Durrës. Tirana – Elbasani do të përplasin “brirët” mes tyre në stadiumin “Niko Dovana”.
