Në redaksinë e emisionit “Stop” ka ardhur një video, ku shihen dy nxënës të shkollës 9-vjeçare “Emin Duraku” të Shtimës Kosovë. Agresori Sulejman Selimi dhe i dhunuari Albert Jakupi janë 12 vjeç dhe publikimi i kësaj videoje ka tronditur opinionin në Shtimë dhe jo vetëm.
Fëmija 1: Pse i thu djemve që e kam ther Sulejmanin?
Fëmija 2: Jo, s’e kam thënë pasha Allahun!
Fëmija 1: Eeee n’klasë i kishe than krejt, pse?
Fëmija 2: Jo pasha Allahun! Kush t’ka thanë që i kisha thanë?
Fëmija 1: Juli, krejt e dinë.
Fëmija 2: Pasha Allahun, as që i kam thanë senet.
Fëmija 1: I thu njerëzve, Sulejmanit ia kena q* motrën, edhe për Drenin ia kishe thanë. E di që ka me t’mbyt Dreni nesër?
Shokët e dhunuesit: Hajde, hajde, rrahe, rrahe…. Boll, boll, Ndal, ndal, ndal….
Fëmija 1: A sillna, a sillna, a sillna?(shan)
Fëmija 2: Po ik, ik…pse?
Fëmija 1: A m’sjell ti mu na i her?
Fëmija 2: Jo.
Fëmija 1: Pse m’sjellshe?
“Stop” udhëton drejt Shtimës për të takuar viktimën e dhunës dhe familjarët e tij. Mamaja e Albertit, Shyhrete Jakupi, tregon se është tronditur kur ka parë videon dhe kërkon që të merren masa nga institucionet. Ajo thotë se nuk e ka patur idenë që djali i saj dhunohej.
Në policinë e Shtimes, gjithë skandalin e kanë përcjellë duke e quajtur një hajgare fëmijësh. Drejtori i shkollës, Enver Dugolli shprehet se të dy fëmijët janë problematikë dhe ishin transferuar provizorisht në shkolla të tjera. Ndërsa psikologia e shkollës, Bedrie Arifi thotë se djali dhunues ka shfaqur sjellje agresive që i vogël ndaj pas ndihmës së psikologut të shkollës, i është sugjeruar një psikolog klinik dhe psikiatër.
Për dhunën skandaloze të fëmijëve të shkollës “Emin Duraku”, emisioni “Stop” i drejtohet Drejtorisë Komunale për Arsimin ku drejtoresha Yllka Fejzullahu thotë se ngjarja nuk është neglizhuar, por protagonistët e videos janë vetëm 12 vjeç dhe nuk ka institucione izolimi për ta.
Zyrtari i Qendrës për Punët Sociale Shtimë, Jener Fazliu shprehet se kjo strukturë po merret me rastin në fjalë. Së fundi, “Stop” shkon në Stacionin Policor Ferizaj, ku mëson masat për rastin dhe vënien në dijeni të prokurorisë.
Gazetarja: Është hajgare kjo tashi? Prandaj nuk dalin ato të Stacionit Policor të Shtimës, se nuk kanë çtë thonë! Ja, ja, ja shih…është hajgare kjo? Është hajgare kjo?
Inspektori i policisë Ferizaj: Për mu nuk ka hajgare! Për mu është e teprume!
Ky akt është regjistruar në Prokurorinë e Shtetit dhe pritet që kjo e fundit të dalë me një vendim.
