Në Ditën Ndërkombëtare të Arsimit u lancua QendraPodcast EduLab ne Ministrinë e Arsimit dhe Sportit, me mbështetjen e British Council dhe programit “Alternative Pathways”. Kjo qendër e re inovative, e krijuar brenda hapësirave të Ministrisë, i dedikohet fuqizimit të të rinjve, edukimit dhe teknologjisë.
Në kuadër të këtij eventi, Drejtoresha e British Council, znj. Majlinda Mazelliu, së bashku me Ministren e Arsimit, znj. Ogerta Mnastirliu dhe partnerë të tjerë, morën pjesë në një podcast të drejtpërdrejtë me nxënës të talentuar edhe nga klubet multimediale dhe klubet e kodimit të ngritura ne 8 bashki të Veriut të Shqiprisë.
Ministrja e Arsimit dhe Sportit vlerësoi bashkëpunimin me British Council për ngritjen e qëndrës së podcast në Ministrinë e Arsimit, duke iu bërë thirrje të rinjve dhe të rejave të angazhohen pranë kësaj hapsire për të shkembyer ide mbi sfidat që lidhen me arsimin dhe përvojat e tyre.
Znj. Majlinda Mazelliu, Drejtoresha e British Council u shpreh se krijimi i qëndres podcast është një shembull i përkushtimit për të fuqizuar të rinjtë, nëpërmjet arsimimit dhe aftësimit teknologjik. Programi “Alternative Pathways’, përvec klubeve të kodimit me pjisje micro:bit, ka mundësuar edhe ngritjen e laboratorëve multimedialë në 8 bashki të Veriut të Shqipërisë, ku janë trajnuar mësues dhe të rinj e të reja për prodhimin e produksioneve në shumë fusha të masmedias si në gazetarinë televizive, post-produksion, dokumentare, fotografi etj.
Era, 14 vjeç, nga shkolla “Avni Rustemi” në Kukës, gjatë intervistës në podcastin e qendres Edu-Lab, në hapsirën e dedikuar në Ministrinë e Arsimit ndau përvojën e saj në projektin për rikthimin në funksion të aeroportit të Kukësit:
“Me anë të micro:bit-it ne shprehim kreativitetin dhe dëshirat tona. Një nga projektet tona është rikthimi në funksionim i aeroportit te Kukesit, një projekt irëndësishëm për komunitetin. Micro:bit nuk është thjesht një qark i vogël, por një pajisje që të ndihmon projekte kreative, siç ishte krijimi i një avioni që niset, kur përplasen duart”.
Diana, një nxënëse nga shkolla “Avni Rustemi Kukës,tha se si pjesë e klubeve të multimedias kishte përfunduar trajnimin për montazh, duke realizuar bashkë me nxënësit ekipin e nxënësve të trajnuar në rolet e gazetarit, skenaristit dhe operatorit, një podcast dhe një dokumentar. Ajo shpreson se puna e tyre do të vlerësohet nga të gjithë, por më e rëndësishmja është se ajo po mendon edhe për profesionin e së ardhmes.
Edi, nxënës i klasës së 8-të në Mat, shtoi se: ”Angazhimi në klubet e multimedias është një përvojë e bukur dhe një mundësi për të shfaqur aftësitë dhe krijimtarinë tonë. Teknologjia është e domosdoshme dhe e ardhmja e çdo të riu duhet të lidhet me këtë fushë.”
Të rinjtë nga shkollat e veriut të vendit dhe shkolllat e mesme të Tiranes si : “Qemal Stafa” dhe “Petro Nini Luarasi”, hodhën idenë e shkembimit të pervojave të tyre, nëpërmjet vizitave dhe podkasteve të përbashkëta, që mund të realizojnë nëpër shkollat e tyre si dhe në Qendrën podcast EduLab, e ngritur së fundmi në ministrinë e Arsimit me mbështetjen e British Council.
