Presidenti amerikan Donald Trump zbuloi për Fox News përmbajtjen e letrës që Joe Biden i kishte lënë në Zyrën Ovale. Letra i drejtohet “I nderuari President Trump”.
“Ndërsa i jap lamtumirën këtij shërbimi të shenjtë, ju uroj ju dhe familjen tuaj më të mirën për katër vitet e ardhshme. Populli amerikan – dhe njerëzit në mbarë botën – shikojnë nga kjo shtëpi për qëndrueshmëri gjatë stuhive të pashmangshme të historisë, dhe kjo është Lutja ime që vitet në vijim të jenë një kohë prosperiteti, paqeje dhe hiri për kombin tonë, Zoti ju bekoftë dhe udhëzoftë ashtu siç e ka bekuar dhe drejtuar vendin tonë të dashur që nga themelimi ynë”, thuhet në letrën e Biden.
Letra është e nënshkruar “Joe Biden” dhe e datës 20 janar 2025. Trump e gjeti letrën – një zarf të bardhë me numër 47 – kur gazetari Peter Ducey e pyeti të hënën nëse Biden i kishte lënë një letër. “Ndoshta është. A nuk e lënë në tavolinë? Nuk e di”, u përgjigj Trump para se të gjente letrën, raporton Fox News.
“Faleminderit, Peter. Mund të kishin kaluar vite përpara se ta gjenit”, shtoi Trump. Dje presidenti i ri iu përgjigj pyetjeve rreth përmbajtjes së letrës dhe tha se ishte një letër shumë e bukur.
Tradita presidenciale për t’i lënë një letër pasardhësit të tij filloi në vitin 1989 kur Presidenti Ronald Reagan u largua nga Shtëpia e Bardhë pas dy mandatesh në detyrë dhe ish-Presidenti Xhorxh HW Bush mori postin. Tradita ka vazhduar edhe sot e kësaj dite përmes presidentëve Bill Clinton, George W. Bush, Barack Obama, Trump dhe Biden.
