Një shqiptar është arrestuar nga autoritetet policore italiane në Ponte Chiasso, pasi akuzohet për shitje të lëndëve narkotike.
Arrestimi u bë në “Via D’Annunzio në Komo’, ku i riu u kap me 6 gramë kokainë, të ndara në 11 doza, të fshehura në një pako me çamçakëz, brenda në të brendshme.
Mediat përtej Adriatikut raportojnë se operacioni nisi pasi efektivët ndaluan një ‘Renault Clio’ të drejtuar nga i riu. Makina, e gjetur e marrë me qira nga një kompani shqiptare me qendër në zonën e Milanos, është vënë re duke ecur vazhdimisht në rrugët e Como gjatë javës së fundit, detaj që ngjalli dyshimet e policisë.
Kur policia ndaloi, i riu hapi dritaren e pasagjerit, ndoshta në përpjekje për të hequr qafe drogën. Gjatë kontrollit, djali ka shfaqur një gjendje të qartë nervozizmi, duke dhënë deklarata kontradiktore për praninë e tij në qytet dhe destinacionin përfundimtar.
Ai pretendoi se flinte brenda automjetit, por nga këqyrja e makinës nuk u konstatua prania e veshjeve apo e sendeve personale për të konfirmuar këtë version.
Nga kontrolli i imtësishëm i makinës dhe personit është bërë i mundur gjetja e lëndës narkotike të fshehur në të brendshme. Kontrollet e mëvonshme përmes sistemit të vëzhgimit me video të policisë lokale konfirmuan se makina kishte lëvizur nëpër rrugët e Como disa herë në ditët e mëparshme.
Aktualisht ndodhet në burgun e Komos, në dispozicion të organeve të drejtësisë.
