Një aksident tragjik është regjistruar pasditen e kësaj të premte në aksin rrugor “Berat-Dimal” në Morave, ku një automjet ka përplasur një këmbësore bashkë me fëmijën e saj.
Autoritete policore raportojnë se shtetasi A. T., 25 vjeç, duke drejtuar automjetin e tij ka përplasur shtetasen L. Gj., 30 vjeçe dhe fëmijën e saj 2 vjeç. Si pasojë e aksidentit ka humbur jetën për shkak të plagëve të marra nëna 30-vjeçare, ndërsa fëmija i saj raportohet se nuk ka probleme për jetën.
Ngjarja ka ndodhur rreth orës 18:35, teksa shoferi 25-vjeçar i automjetit ndodhet i shoqëruar në ambientet e Policisë për veprime të mëtejshme procedurale.
Grupi hetimor ndodhet në vendin e ngjarjes dhe vazhdon veprimet hetimore për zbardhjen e shkaqeve të aksidentit.
