Automjet tip “Volkswagen” që shihni në foton e mësipërme është e 30-vjeçarit nga Rrësheni, Kristjan Marku alias Bardhi, i cili u ekzekutua në një atentat pasditen e kësaj të hëne në autostradën Fier-Vlorë.
Makina është marrë me karrotrec nga autoritetet policore dhe pritet t’i nënshtrohet një ekspertize më të hollësishme.
I riu ka qenë duke udhëtuar i vetëm me automjen “Volkswagen” në drejtim të Vlorës në momentin kur është qëlluar me breshëri kallashnikovi nga persona ende të paidentifikuar. Ngjarja ka ndodhur rreth orës 18:15 sapo kalon rreth-rrotullimin e fshatit Novoselës.
30-vjeçari ka humbur jetën në vend dhe për pasojë ka humbur dhe kontrollin e drejtimit të automjetit, ku makina ka përfunduar duke u përplasur me trafikndarësen.
Në momentin e atenatit, janë përplasur me njëra-tjetrën dhe tre automjete të tjera, të cilat ndodheshin rastësisht dhe nuk kishin lidhje me viktimën dhe autorët.
Policia ka gjetur në vendin e ngjarjes rreth 10 gëzhoja, teksa makina e viktimës ishte bërë “shoshë” nga plumbat dhe dyshohet se të shtënat kanë nisur që në afërsi të një karburanti.
Nga hetimet paraprake dyshohet se kanë qenë tre autorë të cilët kanë qenë duke udhëtuar me një automje tip “Volkswagen Golf”, të cilës ia kanë vënë flakën në një distancë jo shumë të largët nga vendi i ngjarjes.
Dyshohet se ata janë ndihmuar nga persona të tjerë për t’u larguar nga vendi ku dogjën makinën, teksa po ashtu dyshohet se janë larguar në drejtim të Fierit, duke shfrytëzuar rreth-rrotullimin e Panamasë.
Vrasje për hakmarrje?
Kristjan Marku është një person me precedent penal për “Vrasje me dashje ne bashkepunim mbetur ne tentative” dhe “Mbajja pa leje e armeve te zjarrit dhe municionit luftarak”.
Më konkretisht, ai ka qenë i përfshirë në ngjarjen e regjistruar mbrëmjen e 26 Marsit në Rrëshen, ku u qëllua me armë zjarri në drejtim të automjetit të Sajmir Reçit, nipi i Kastriot Reçit, i vrarë në Janar të vitit 2020.
Për ngjarjen e 26 Marsit 2023, Kristian Marku (Bardhi) u akuzua si autor bashkë me kushëririn e tij, Enrik Bardhi, teksa një ditë pas ngjarjes Policia arrestoi vetëm babain e këtij të fundit, Martin Bardhi alias Marku, i cili është dhe xhaxhai i viktimës së sotme
Martin Bardhi, xhaxhi i viktimës së sotme, u ekzekutua në lokalin e tij që ndodhet në hyrje të spitalit të Rrëshenit, 50 metra përballë komisariatit të qytetit, më 26 shtator të vitit 2023, sapo kishte dalë nga burgu për ngjarjen e Marsit të po atij viti.
Ndërkohë, po në shtator të vitit 2023, Kristian Marku u arrestua në kuadër të operacionit “Tentativa”, pasi sapo ka parë shërbimet e Policisë, ka hedhur nga dritarja e automjetit, një armë zjarri pistoletë me fishekë në të, të cilën e posedonte pa leje.
Edhe vrasja e sotme e Kristjan Markut dyshohet se është pjesë e hakmarrjeve mes visese në Rrëshen
