Një tjetër i kërkuar shqiptar nga SPAK dhe Policia e Shtetit për vrasje të mbetur në tentativë është prangosur në Angli.
Tch duke iu referuar dokumenteve të gjykatës së ekstradimeve mëson se kanë nisur procedurat e ekstradimit drejt Shqipërisë ndaj Edison Muceku 33 vjeç.
Prokuroria e Posaçme, pas zbardhjeve të bisedave në aplikacionin “Sky Ecc” e akuzon Edison Mucekun se së bashku me shtetasit Albert Zaja, Tori Xheçuka, Florenc Kelmendi dhe Ardit Gjokrosa kanë kryer veprime për të siguruar kushtet dhe mjetet me qëllim vrasjen e shtetasit, Hamza Tërziu më 21 Maj të vitit 2020 në Bulqizë
Gjykatës City of Westminster iu tha Shqipëria e kërkon Edison Mucekun si bashkëautor në tentativë vrasje në Bulqizë më 21.05.2020.
Muceku i kërkoi gjykatës “City of Westminster” që procesi ekstradimit të ndalej këtu pasi ai vullnetarisht kërkonte të kthehej në Shqipëri e u përballur me akuzën e vrasjes.
Edison Muceku dyshohet të jetë pjesë e grupit kriminal të Hektor Xheçukës, 36 vjeç, I njohur edhe me emrin Tor Xheçuka nga qyteti i Burrelit.
Tor Xheçuka është shpallur në kërkim edhe nga Prokuroria e Posaçme pas operacionit “Revanshi”. Në dosjen hetimore të SPAK, thuhet se Hektor Xhecuka ishte pjesë edhe e grupit kriminal të Ervis Martinajt.
Xheçuka, mësohet se fshihet në Dubai, ndërsa dyshohet si vrasës me pagesë, ku për llogari të Ervis Martinajt ka planifikuar vrasjen e Durim Bamit, plan ky i dalë në pah nga hetimet pas zbërthimit të bisedave në aplikacionin SkyECC.
Shtetasi Hektor Xheçuka ka qëlluar me armë drejt banesës së shtetasit Hamza Terziu në fshatin Zënisht si paralajmërim.
Nga dosja ku “The Dept” dhe është lëshuar dhe urdhër arresti rezulon se Hektor Xheçuka në bashkëpunim me shtetasit e përmendur më sipër ka planifikuar që të gjuanin drejt banesës së pabanuar të shtetasi Hamza Terziu. Hamza Terziu është xhaxhai i Dorjan Terziut.
Pas zbardhje së bisedave ë aplikacionit Sky Ecc. duket se në këtë konflikt është përfshirë dhe familja Gjokrosa pasi pretendohet se shtëpinë e shtetasit Hamza Terziu e ka treguar Ardit Gjokrosa dhe më pas ndaj kësaj banese është gjuajtur me breshëri plumbash.
Zbulohen “killerat” që sulmuan Durim Bamin, donin të vrisnin dhe Hamza Tërziun – EMRAT
