Partia Demokratike ditën e nesërme në orën 14:00 do të mbledhë grupin parlamentar dhe drejtuesit politik, ku në fokus të diskutimeve do të jenë zgjedhjet parlamentare të 11 Majit.
Burime për mediat bëjnë me dije se në fokus të diskutimit do të jetë vota e diasporës, ku drejtuesve politik dhe deputetëve do t’u kërkohet që të punojnë më shumë në këtë drejtim për të informuar qytetarët. Gjithashtu, do të diskutohet edhe mënyra se si do të bëhet dhe ku do të jetë e fokusuar fushata zgjedhore.
Ndërkohë, po ditën e nesërme, në orën 17:00, kreu i PD-së, Sali Berisha ka thirrur në selinë blu dhe një mbledhje me kryetarët e degëve, ku mësohet se në fokus të diskutimit do të jetë nisja e procesit të primareve për përzgjedhjen e kandidatëve për deputetë.
Burime për mediat bëjnë me dije se disa nga funksionarët e PD-së janë kundër procesit, pasi deklarojnë se ai nxit përçarje dhe apelojnë për një zgjidhje tjetër. Ata marrin si shembull Bashkinë e Tropojës ku si pasojë e përçarjeve nga Primaret, nuk u fitua kjo bashki nga demokratët.
Vlen të theksohet fakti se procesin e primareve, Partia Demokratike e ka në statutin e saj.
