Samed Lulaj nga Kopliku, tregon se është kontaktuar nga një shtetas në “Instagram”, i cili pretendon se babai i tij, Qemal Lulaj i ka marrë 120 Euro si kapar për dhënien me qira të një makine.
Kontakti ishte bërë përmes faqes “Aurental Tirana Airport”. Si përfundim, makina nuk është dhënë dhe qytetarit që pagoi 120 Euro i kanë bërë bllok. Samedi thotë se i ati është 60 vjeç dhe as që merret me këtë punë.
Samed Lulaj: Një kompani…
Gazetarja: “Aurental Tirana Airport”?
Samed Lulaj: Po bravo, i ka kërkuar një djali emigrant në Itali 120 euro dhe emri, që ka tërheq lekët në “Westerunion” në Shqipëri, është emri i babit tim.
Gazetarja: Ka qenë babi jot që i ka tërhequr?
Samed Lulaj: Jo, jo. I ka humb karta tash 3 vjet. Jo, jo babi im është 60 vjeç, është shef nënstacioni, nuk merret me këto gjëra.
Gazetarja: Po ju e njihni këtë personin që ka këtë faqen?
Samed Lulaj: Jo, jo nuk e njoh.
Gazetarja: Kur ka ndodhur kjo?
Samed Lulaj: Po ta njihja kisha bë luftë. 2-3 ditë ka që më ka shkrujt ky djali.
Gazetarja: Po babai juaj ku është?
Samed Lulaj: Afër Shkodrës në Koplik. Paratë janë dërguar më 11 Nëntor.
Gazetarja: Po ndërkohë ai e ka marrë makinë me qira?
Samed Lulaj: Jo mo ça makinë, i kanë bë bllok krejt.
“Stop” konstatoi se faqja “Aurental Tirana airport”publikon foto me makina luksi dhe vihet re që ndryshon numrin e kontaktit, për ta pasur më të lehtë skemën e mashtrimit. “Stop” provon të kërkojmë makinë me qira, por na thonë se janë të zëna.
Janë dy Qemal Lulaj në Shqipëri, njëri në Koplik dhe tjetri në Buzmadh Fier. Ky i fundit përkon me adresën e faqes së “Instagramit” në Fier. “Stop” provoi ta telefononim atë, por nuk u përgjigj askush./tvklan
