Eksperti i sigurisë Fatjon Softa ka folur për vrasjen e ndodhur mbrëmjen e 4 janarit në Shkodër, ku 33-vjeçari Ramazan Mataj u qëllua me breshëri kallashnikovi nga dy vëllezërit Arjon dhe Klisman Hasaj.
Dyshohet se ngjarja e rëndë ka ndodhur pasi dyshohet se 33-vjeçari ka pasur kontakte apo lidhje me një nga motrat e autorëve e cila ishte dhe e martuar.
Sipas ekspertit Softa, nuk mund të kemi të bëjmë me një ngacmim në rrjetet sociale, por sipas tij ngjarja mund të ketë pasur kohë që është bërë e ditur brenda familjes dhe situata ka agravuar më tej.
“Nëse ishte ngacmim si ka mundësi që ndodhi ndarja? Kjo ka qenë histori që mund të ketë pasur kohë e të ketë pasur turbulencat e saj. Unë mendoj se përderisa konflikti ka vajtur te vëllezërit ka pasur diçka që e ka agravuar. Brenda territorit shqiptar ngjarje të tilla që prekin nderin janë disi të pasuportueshm”, tha Softa në Euronews Albania, teksa shtoi se do duhej që për këtë ngjarje të merrej edhe dëshmia e motrës se autorëve.
