Punonjësit e fasonerisë “Altek sh.p.k” në Krujë nuk ndalen së protestuari duke kërkuar të drejtën e tyre e cila është shkelur nga kjo kompani.
Mbi 200 punonjës kanë planifikuar nesër (7 Janar), ora 07:00 që të protestojnë për mos-marrjen e shpërblimit të fundvitit.
Përveç shpërblimit të fundvitit, sipas punonjësve shqetësime të tjera janë si: mos-pagesa e orëve shtesë dhe ditëve të festave me 25% mbi vlerën e pagës, siç e parashikon Kodi i Punës.
Gjithashtu protestuesit kërkojnë ndërhyrjen e institucioneve shtetërore për të siguruar respektimin e të drejtave të punëtorëve dhe standardeve ligjore të punës.
“Të martën, më 7 janar, në orën 07:00 të mëngjesit, punëtorët e fasonerisë ALBTEK sh.p.k në Krujë do të vijojnë protestën e tyre për të kërkuar rritje të pagave, përmirësim të kushteve të punës dhe zbatimin e Kodit të Punës, përfshirë shpërblimin e fundvitit.
I ftojmë mediat të ndjekin dhe raportojnë mbi këtë protestë, duke qenë pranë punëtorëve në përpjekjen e tyre për të mbrojtur të drejtat dhe dinjitetin e tyre.
Vendndodhja: Para fasonerisë ALBTEK sh.p.k, Krujë
Ora: 07:00”, thuhet në njoftim.
Lexo edhe:
Punëtorët e fasonerisë “Altek” dalin në protestë: Po na shkelen të drejtat!
