Një aksident automobilistik është regjistruar paraditen e kësaj të shtune në aksin rrugor Pogradec – Qafë Thanë, në afërsi të fshatit Udënisht.
Nga informacionet paraprake mësohet se tre automjete janë përplasur me njëra-tjetrën. Si pasojë e aksidentit ka mbetur i plagosur një person, i cili është dërguar me urgjencë në spitalin e Pogradecit.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
